ସିନାପାଲିରେ ବନ୍ଧନ ବ୍ୟାଙ୍କ ଶାଖା।
ନାକା ଛକଠାରେ ଶୁଭ ଉଦ୍ଘାଟନ।
ଗ୍ରାହକଙ୍କ ପାଇଁ ଉନ୍ନତ ସେବା।
ଅଞ୍ଚଳବାସୀଙ୍କ ମଧ୍ୟରେ ଖୁସିର ଲହରୀ।
ନୂଆପଡ଼ା: ନୂଆପଡ଼ା ଜିଲ୍ଲା ସିନାପାଲି ସହରର ନାକା ଛକଠାରେ ବନ୍ଧନ ବ୍ୟାଙ୍କର ନୂତନ ଶାଖା ଭବ୍ୟ ଭାବେ ଉଦ୍ଘାଟିତ ହୋଇଯାଇଛି। ଆୟୋଜିତ ଏହି କାର୍ଯ୍ୟକ୍ରମରେ ବରିଷ୍ଠ ଆଇନଜୀବୀ ବୈଷମ୍ପାୟନ ମେହେର, ଥାନା ଅଧିକାରୀ ମହେଶ୍ବର ପାଣିଗ୍ରାହୀ ଏବଂ ପୂର୍ବତନ ପଞ୍ଚାୟତ ସମିତି ଅଧ୍ୟକ୍ଷ ନୀଳମଣି ମେହେର ଅତିଥି ଭାବେ ଯୋଗଦେଇ ଏହାର ଶୁଭାରମ୍ଭ କରିଥିଲେ।ଉଦ୍ଘାଟନ ପରେ ଅତିଥିମାନେ ବ୍ୟାଙ୍କ ପରିସର ବୁଲି ଦେଖିବା ସହ ଉନ୍ନତ ଗ୍ରାହକ ସେବା ସମ୍ପର୍କରେ ଆଲୋଚନା କରିଥିଲେ। ଏହି ଅବସରରେ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି ଓ ମହିଳାମାନେ ଉପସ୍ଥିତ ଥିଲେ।
ବ୍ୟାଙ୍କ ଅଧିକାରୀମାନେ ଉପସ୍ଥିତ ରହି ଲୋକଙ୍କୁ ବିଭିନ୍ନ ଉପକାରୀ ବ୍ୟାଙ୍କିଙ୍ଗ୍ ସେବା ବିଷୟରେ ବୁଝାଇଥିଲେ। ନିକଟରେ ଶାଖା ଖୋଲିବାରୁ ସ୍ଥାନୀୟ ଚାଷୀ, ବ୍ୟବସାୟୀ ଓ ସାଧାରଣ ଲୋକଙ୍କୁ ଆଉ ଦୂରକୁ ଯିବାକୁ ପଡ଼ିବ ନାହିଁ। ଏହା ସିନାପାଲି ଅଞ୍ଚଳର ଆର୍ଥିକ ବିକାଶରେ ପ୍ରମୁଖ ଭୂମିକା ଗ୍ରହଣ କରିବ।ସିନାପାଲିରେ ଏହି ନୂତନ ବ୍ୟାଙ୍କ ଶାଖା ଖୋଲିବା ଫଳରେ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ଉତ୍ସାହ ସୃଷ୍ଟି ହୋଇଛି ଏବଂ ଆଗାମୀ ଦିନରେ ଏଠାରେ ସହଜ ବ୍ୟାଙ୍କିଙ୍ଗ୍ ସେବା ମିଳିପାରିବ ବୋଲି ଆଶା କରାଯାଉଛି।