ସନ୍ଧ୍ୟା ସୁଦ୍ଧା ସବୁ କଲେଜରେ ଗଣତି ସରିଲା!
ରମାଦେବୀ ଓ ବାଣୀବିହାରରେ ରାତି ପାହିଲା କାହିଁକି?
ଗଣତିରେ ଏତେ ଡେରି କାହିଁକି?
ବ୍ୟବସ୍ଥାରେ ଭୁଲ୍ ନା ଅନ୍ୟ କିଛି ଗୋଳମାଳ?
ରାତି ସାରା ଚାଲିଲା ଭୋଟ୍ ଗଣତି!
କର୍ତ୍ତୃପକ୍ଷଙ୍କ ପ୍ରସ୍ତୁତିକୁ ନେଇ ଉଠିଲା ପ୍ରଶ୍ନ
ରମାଦେବୀ, ବାଣୀବିହାରରେ କ’ଣ ହେଉଥିଲା?
ବିଳମ୍ବର କାରଣ କହିବେ କି ବିଶ୍ୱବିଦ୍ୟାଳୟ କର୍ତ୍ତୃପକ୍ଷ?
ଛାତ୍ର ନିର୍ବାଚନ ଗଣତିରେ ଏତେ ଅବ୍ୟବସ୍ଥା କାହିଁକି?
କିଏ ଦାୟୀ, କିଏ ଦେବ ଉତ୍ତର ?
ଗୋଟିଏ ପଟେ ଅନ୍ୟ କଲେଜରେ ସନ୍ଧ୍ୟା ସୁଦ୍ଧା ସରିଗଲା ଛାତ୍ର ସଂସଦ ନିର୍ବାଚନର ଭୋଟ୍ ଗଣତି! ହେଲେ ରାଜଧାନୀର ଦୁଇ ପ୍ରମୁଖ ଶିକ୍ଷାନୁଷ୍ଠାନ—ରମାଦେବୀ ବିଶ୍ୱବିଦ୍ୟାଳୟ ଓ ବାଣୀବିହାରରେ କାହିଁକି ରାତି ପାହିବା ଯାଏଁ ଚାଲିଲା ଗଣତି?
କାହିଁକି ଏତେ ବିଳମ୍ବ? ଗଣତି ପାଇଁ ଆଗୁଆ ପ୍ରସ୍ତୁତି ନଥିଲା, ନା ବ୍ୟବସ୍ଥାରେ କିଛି ତ୍ରୁଟି ରହିଗଲା? ଏତେ ବଡ଼ ଶିକ୍ଷାନୁଷ୍ଠାନରେ ଭୋଟ୍ ଗଣତି ପରି ଗୁରୁତ୍ୱପୂର୍ଣ୍ଣ କାମରେ ଏମିତି ବିଳମ୍ବକୁ ନେଇ ଏବେ ଉଠୁଛି ଅନେକ ପ୍ରଶ୍ନ!
ଛାତ୍ର ସଂସଦ ନିର୍ବାଚନକୁ ନେଇ କଲେଜ କ୍ୟାମ୍ପସରେ ଥିଲା ଜୋରଦାର ଉତ୍ସାହ। ପ୍ରାର୍ଥୀଙ୍କ ଭାଗ୍ୟ କାହା ସପକ୍ଷରେ ଯିବ, କିଏ ଜିତିବ, କିଏ ହାରିବ—ଏହା ଜାଣିବାକୁ ଛାତ୍ରଛାତ୍ରୀଙ୍କଠାରୁ ଆରମ୍ଭ କରି ସମର୍ଥକଙ୍କ ପର୍ଯ୍ୟନ୍ତ ସମସ୍ତଙ୍କ ନଜର ରହିଥିଲା ଗଣତି ଉପରେ।
କିନ୍ତୁ ଅନ୍ୟ କଲେଜଗୁଡ଼ିକରେ ଯେତେବେଳେ ସନ୍ଧ୍ୟା ସୁଦ୍ଧା ଗଣତି ଶେଷ ହୋଇ ଫଳାଫଳ ସାମ୍ନାକୁ ଆସିବା ଆରମ୍ଭ କରିଥିଲା, ସେତେବେଳେ ରମାଦେବୀ ଓ ବାଣୀବିହାରରେ ଗଣତି ବିଳମ୍ବକୁ ନେଇ ଚର୍ଚ୍ଚା ବଢ଼ିଥିଲା।
ପ୍ରଶ୍ନ ହେଉଛି, ଅନ୍ୟ କଲେଜରେ ଯଦି ନିର୍ଦ୍ଧାରିତ ସମୟ ଭିତରେ ଗଣତି ଶେଷ ହୋଇପାରିଲା, ତେବେ ଏଠାରେ କାହିଁକି ଏତେ ସମୟ ଲାଗିଲା? ଗଣତି କେନ୍ଦ୍ରରେ ଆବଶ୍ୟକ କର୍ମଚାରୀ ଓ ବ୍ୟବସ୍ଥା ଥିଲା ତ? ଗଣତି ପ୍ରକ୍ରିୟା ଠିକ୍ ଭାବରେ ଚାଲୁଥିଲା ତ? ନା ଭୋଟ୍ ଗଣତି ପରିଚାଳନାରେ କିଛି ସମସ୍ୟା ଦେଖାଦେଇଥିଲା?
ରମାଦେବୀ ବିଶ୍ୱବିଦ୍ୟାଳୟ ହେଉ କି ବାଣୀବିହାର—ଏଗୁଡ଼ିକ କେବଳ ଶିକ୍ଷାନୁଷ୍ଠାନ ନୁହେଁ, ହଜାର ହଜାର ଛାତ୍ରଛାତ୍ରୀଙ୍କ ଭବିଷ୍ୟତ ସହ ଜଡ଼ିତ ପ୍ରତିଷ୍ଠିତ ଅନୁଷ୍ଠାନ। ତେଣୁ ଏଠାରେ ନିର୍ବାଚନ ପରିଚାଳନା ଓ ଭୋଟ୍ ଗଣତିରେ ସ୍ୱଚ୍ଛତା, ଶୃଙ୍ଖଳା ଏବଂ ସମୟାନୁବର୍ତ୍ତିତା ରହିବା ନିହାତି ଦରକାର।
ଗଣତି ବିଳମ୍ବ ହେଲେ ସ୍ୱାଭାବିକ ଭାବରେ ଛାତ୍ରଛାତ୍ରୀଙ୍କ ମନରେ ସନ୍ଦେହ ଓ ଅସନ୍ତୋଷ ସୃଷ୍ଟି ହୋଇପାରେ। ତେଣୁ ଏହି ବିଳମ୍ବ ପଛରେ ପ୍ରକୃତ କାରଣ କ’ଣ, ତାହା କର୍ତ୍ତୃପକ୍ଷ ସ୍ପଷ୍ଟ କରିବା ଆବଶ୍ୟକ।
ଏଠାରେ ଆଉ ଏକ ବଡ଼ ପ୍ରଶ୍ନ—ନିର୍ବାଚନ ପୂର୍ବରୁ ଗଣତି ପାଇଁ ଉପଯୁକ୍ତ ଯୋଜନା ହୋଇଥିଲା କି? ଯଦି ହୋଇଥିଲା, ତେବେ ଗଣତି ଏତେ ଲମ୍ବା ହେଲା କାହିଁକି? ଆଉ ଯଦି କୌଣସି ସମସ୍ୟା ଥିଲା, ତାହାର ସମାଧାନ ପାଇଁ କ’ଣ ପଦକ୍ଷେପ ନିଆଯାଇଥିଲା?
ତେବେ, ଗଣତିରେ ବିଳମ୍ବ ହେବା ମାତ୍ରେ ଅନିୟମିତତା ହୋଇଛି ବୋଲି କୁହାଯାଇପାରିବ ନାହିଁ। କିନ୍ତୁ ବିଳମ୍ବର କାରଣ ଜାଣିବା ଓ ତାହାର ଉତ୍ତର ଦେବା ନିଶ୍ଚିତ ଭାବରେ କର୍ତ୍ତୃପକ୍ଷଙ୍କ ଦାୟିତ୍ୱ।
ଅନ୍ୟ କଲେଜରେ ସନ୍ଧ୍ୟା ସୁଦ୍ଧା ଗଣତି ସରିଥିବା ବେଳେ ରମାଦେବୀ ଓ ବାଣୀବିହାରରେ ରାତି ପାହିବା ଯାଏଁ କାହିଁକି ଗଣତି ଚାଲିଲା? ଏହାର ପ୍ରକୃତ କାରଣ କ’ଣ? ଏହାର ଉତ୍ତରଦାୟିତ୍ଵ ଏବେ ନେବ କିଏ ? ସରକାର ନା କଲେଜ କର୍ତ୍ତୁପକ୍ଷ ?