ଓଡ଼ିଶା ମାଟିରେ ମୋଦି-ମୁର୍ମୁ!
୨ ବର୍ଷ ପୂର୍ତ୍ତିରେ ଓଡ଼ିଶାକୁ ମିଳିଲା ସବୁଠୁ ବଡ଼ ଉପହାର!
୪୭,୬୦୦ କୋଟିର ମେଗା ପ୍ରକଳ୍ପ! ବଦଳିଯିବ ଓଡ଼ିଶାର ଭାଗ୍ୟ!
ମିଳିବ ମାଗଣା ବିଜୁଳି! ‘ସୂର୍ଯ୍ୟ ଗ୍ରାମ’ ପାଲଟିବ ରାଷ୍ଟ୍ରପତିଙ୍କ ଗାଁ
ଓଡ଼ିଶାକୁ ଆସୁଛି ୨୦ ଲକ୍ଷ କୋଟିର ପୁଞ୍ଜି!
ଇତିହାସର ସେହି ସ୍ୱର୍ଣ୍ଣିମ ମୁହୂର୍ତ୍ତ, ଯାହାକୁ ଦେଖିବା ପାଇଁ ଆଜି ସାରା ଦେଶ ଚାହିଁ ରହିଥିଲା! ନିଜ ଜନ୍ମମାଟିରେ ଦେଶର ପ୍ରଥମ ନାଗରିକ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ସାଙ୍ଗରେ ଅଛନ୍ତି ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଓଡ଼ିଶା ଗସ୍ତର ଏହି ଦ୍ୱିତୀୟ ଦିନ କେବଳ ଏକ ମେଗା ଉତ୍ସବ ନଥିଲା, ବରଂ ଏହା ଥିଲା ଓଡ଼ିଶାର ବିକାଶ ଇତିହାସରେ ଏକ ନୂଆ ବିପ୍ଳବର ଆରମ୍ଭ! ରାଜ୍ୟରେ ବିଜେପି ସରକାରର ଦୁଇ ବର୍ଷ ପୂର୍ତ୍ତି ଅବସରରେ ମୟୂରଭଞ୍ଜର ରାଇରଙ୍ଗପୁରରେ ଆୟୋଜିତ ହୋଇଥିଲା ଏକ ବିଶାଳ ସମାବେଶ, ଯେଉଁଠି ଗୋଟିଏ ମଞ୍ଚରେ ଉପସ୍ଥିତ ଥିଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ ଏବଂ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ।
କିନ୍ତୁ ଏହି ଐତିହାସିକ ଗସ୍ତରେ ଓଡ଼ିଶାକୁ କେଉଁ ସବୁ ବଡ଼ ଭେଟି ମିଳିଲା? ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶାବାସୀଙ୍କ ପାଇଁ ଖୋଲିଦେଇଛନ୍ତି ବିକାଶର ମେଗା ପେଡ଼ି। ଓଡ଼ିଶାର ପ୍ରଗତି ପାଇଁ ପ୍ରଧାନମନ୍ତ୍ରୀ ଗୋଟିଏ କି ଦୁଇଟି ନୁହେଁ, ପୁରା ୪୭,୬୦୦ କୋଟିରୁ ଅଧିକ ଟଙ୍କାର ବିଭିନ୍ନ ବିକାଶମୂଳକ ପ୍ରକଳ୍ପର ଉଦ୍ଘାଟନ ଓ ଶିଳାନ୍ୟାସ କରିଛନ୍ତି। ଶକ୍ତି, ରେଳବାଇ, ସଡ଼କ ସଂଯୋଗୀକରଣ, ସ୍ୱାସ୍ଥ୍ୟ ଏବଂ ଶିକ୍ଷା କ୍ଷେତ୍ରରେ ଆସିବାକୁ ଯାଉଛି ବଡ଼ ପରିବର୍ତ୍ତନ। କେବଳ ସେତିକି ନୁହେଁ, ‘ଉତ୍କର୍ଷ ଓଡ଼ିଶା’ ମାଧ୍ୟମରେ ରାଜ୍ୟକୁ ୨୦ ଲକ୍ଷ କୋଟି ଟଙ୍କାର ପୁଞ୍ଜିନିବେଶର ପ୍ରତିଶ୍ରୁତି ମିଳିସାରିଥିବା ବେଳେ, କେବଳ ଶକ୍ତି କ୍ଷେତ୍ର ପାଇଁ ୬ ହଜାର କୋଟିର ପୁଞ୍ଜି ଆସିଛି।
ସବୁଠାରୁ ବଡ଼ ଏବଂ ଚମକାଇଦେଲା ଭଳି ଘୋଷଣା ଥିଲା ରାଷ୍ଟ୍ରପତିଙ୍କ ନିଜ ଗାଁ ‘ପାହାଡ଼ପୁର’କୁ ନେଇ। ଦାଣ୍ଡବୋଷ ସମାବେଶରୁ ପ୍ରଧାନମନ୍ତ୍ରୀ ବଡ଼ ଘୋଷଣା କରି କହିଛନ୍ତି, ପାହାଡ଼ପୁର ଗାଁ ଏବେ ପାଲଟିବ ଦେଶର ଅନନ୍ୟ ‘ସୂର୍ଯ୍ୟ ଗ୍ରାମ’। ଏହି ଗାଁର ଲୋକମାନଙ୍କୁ ଏଣିକି ସମ୍ପୂର୍ଣ୍ଣ ମାଗଣାରେ ବିଜୁଳି ମିଳିବ। ଏହା ସହିତ ମୟୂରଭଞ୍ଜରେ ଆଉ ଏକ ନୂଆ ନବୋଦୟ ବିଦ୍ୟାଳୟ ସ୍ଥାପନ ପାଇଁ ମଧ୍ୟ ଅନୁମତି ମିଳିଛି।
ମୁଖ୍ୟମନ୍ତ୍ରୀ ମୋହନ ମାଝୀଙ୍କ ନେତୃତ୍ୱକୁ ଭୂୟସୀ ପ୍ରଶଂସା କରି ପ୍ରଧାନମନ୍ତ୍ରୀ କହିଛନ୍ତି, ଓଡ଼ିଶାରେ ଡବଲ ଇଞ୍ଜିନ ସରକାର ଆସିବା ପରେ ବିକାଶ ଦ୍ରୁତ ଗତିରେ ବଢ଼ୁଛି। ସୁଭଦ୍ରା ଯୋଜନା ଓ ଆୟୁଷ୍ମାନ ଭାରତ ଭଳି ମେଗା ଯୋଜନା ଏବେ ସଫଳତାର ସହ ଲାଗୁ ହୋଇଛି। ସେପଟେ ନିଜ ଜନ୍ମଦିନରେ ଜନ୍ମମାଟିକୁ ଆସିଥିବା ମହାମହିମ ରାଷ୍ଟ୍ରପତି ମଧ୍ୟ ଭାବବିହ୍ୱଳ ହୋଇ ପ୍ରଧାନମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି। ୪୭,୬୦୦ କୋଟିର ଏହି ମେଗା ଉପହାର ଏବେ ଓଡ଼ିଶାର ଚେହେରା ବଦଳାଇବାକୁ ଯାଉଛି।