କଟା ଭୋଟରଙ୍କ ନାଁ ପୁଣି ଯୋଡ଼ାଯିବ!
ସିଜେପି ଆନ୍ଦୋଳନ ଦେଖି ନଇଁଲା EC !
ମୁମ୍ବାଇରେ ଟ୍ରେଲର, ଦିଲ୍ଲୀରେ ଫିଲ୍ମ!
କୋଟି କୋଟି ଭୋଟରଙ୍କ ବଡ଼ ବିଜୟ!
ପୁଣି ଯୋଡ଼ାଯିବ କଟା ଭୋଟରଙ୍କ ନାଁ!
ସିଜେପି ଦେଖାଇଲା ଗୋଟିଏ ଟ୍ରେଲର୍, ଆଉ ଶେଷରେ ମୁଣ୍ଡ ନୁଆଁଇବାକୁ ବାଧ୍ୟ ହେଲା ନିର୍ବାଚନ କମିଶନ! ପୂର୍ବରୁ ଦିଲ୍ଲୀ ଯନ୍ତରମନ୍ତରରେ ଯେତେବେଳେ ଛାତ୍ରମାନଙ୍କ ଆକ୍ରୋଶ ବଢିଥିଲା, ଯେପରି କେନ୍ଦ୍ର ଶିକ୍ଷା ମନ୍ତ୍ରୀଙ୍କୁ ନିଜ ଚୌକି ଛାଡ଼ି ଇସ୍ତଫା ଦେବାକୁ ପଡ଼ିଥିଲା? ଏବେ ଠିକ୍ ସେହିଭଳି ଏକ ସ୍ଥିତି ଉପୁଜିଛି। ସିଜେପି ଏବଂ ଜନତାଙ୍କ ପ୍ରବଳ ବିରୋଧ ଆଗରେ ଏବେ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କୁ ମଧ୍ୟ ଇସ୍ତଫା ଦେବାକୁ ପଡିପାରେ! କାରଣ ଗଣତନ୍ତ୍ରର ଛାତି ଉପରେ ହୋଇଥିବା ଏହି ସାଙ୍ଘାତିକ ଖେଳ ଉପରୁ ଏବେ ପରଦା ହଟିଯାଇଛି।
ଥରେ ଚିନ୍ତା କରନ୍ତୁ, ଆପଣ ଭୋଟ୍ ଦେବାକୁ ଗଲେ ଆଉ ଜାଣିବାକୁ ପାଇଲେ ଯେ ଆପଣଙ୍କ ନାଁ ଭୋଟର ତାଲିକାରେ ନାହିଁ! ଗୋଟେ କି ଦୁଇଟି ନୁହେଁ, କୋଟି କୋଟି ଯୋଗ୍ୟ ଲୋକଙ୍କ ଭୋଟ୍ ଅଧିକାରକୁ କାଟି ଦିଆଯାଇଥିଲା। କିନ୍ତୁ ବିରୋଧର ନିଆଁ ଏମିତି ଜଳିଲା ଯେ, ନିର୍ବାଚନ କମିଶନଙ୍କୁ ନିଷ୍ପତ୍ତି ବଦଳାଇବାକୁ ପଡିଛି। କଟିଥିବା ଭୋଟରଙ୍କ ନାଁ ପୁଣି ଯୋଡ଼ାଯିବ ଏବଂ ୧୦ଟି ରାଜ୍ୟରେ ଏଥିପାଇଁ ସ୍ୱତନ୍ତ୍ର ଅଭିଯାନ ଆରମ୍ଭ ହେବ ବୋଲି ଘୋଷଣା ହୋଇଛି। କିନ୍ତୁ ପ୍ରଶ୍ନ ଉଠୁଛି, ଏତେ ବଡ଼ ହେରଫେର କାହା ଇଙ୍ଗିତରେ ହୋଇଥିଲା?
ମୁମ୍ବାଇର ଶିବାଜୀ ପାର୍କରେ ସିଜେପି ଯେତେବେଳେ ବିଶାଳ ଆନ୍ଦୋଳନ ଡାକରା ଦେଲା, ସେଥିରେ ବଲିଉଡ୍ ସେଲିବ୍ରିଟିଙ୍କ ଠାରୁ ଆରମ୍ଭ କରି ଜେନ୍-ଜି ଯୁବବର୍ଗ ଏକାଠି ହୋଇଥିଲେ। ହାତରେ ତ୍ରିରଙ୍ଗା ଧରି ସମସ୍ତଙ୍କର ଗୋଟିଏ ଦାବି- ଏହି ଭୋଟର ତାଲିକା ହେରଫେରର ମାଷ୍ଟରମାଇଣ୍ଡ ମୁଖ୍ୟ ନିର୍ବାଚନ କମିଶନର ତୁରନ୍ତ ଇସ୍ତଫା ଦିଅନ୍ତୁ।
ମୁମ୍ବାଇ ତ କେବଳ ଟ୍ରେଲର ଥିଲା, ଅସଲ ଆକ୍ରୋଶର ଚିତ୍ର ଦେଖିବାକୁ ମିଳିଲା ଦିଲ୍ଲୀର ଯନ୍ତରମନ୍ତରରେ। ଯେତେବେଳେ ଛାତ୍ର ସଂଗଠନ, ସାମାଜିକ କର୍ମୀ ଓ ବିରୋଧୀ ଦଳର ନେତାମାନେ ଏକାଠି ହେଲେ, କ୍ଷମତାର ଅହଂକାରରେ ଥିବା ପ୍ରଶାସନ ଡରିଗଲା। ଆନ୍ଦୋଳନକାରୀଙ୍କ ଉପରେ ପୋଲିସ ବଳପ୍ରୟୋଗ କଲା, ଗୋଡ଼ାଇ ଗୋଡ଼ାଇ ପିଟିଲା। ଆନ୍ଦୋଳନକୁ ରୋକିବା ପାଇଁ ଦିଲ୍ଲୀର ୧୯ଟି ମେଟ୍ରୋ ଷ୍ଟେସନ ବନ୍ଦ କରିଦିଆଗଲା ଆଉ ଇଣ୍ଟରନେଟ୍ ସେବା ମଧ୍ୟ କାଟି ଦିଆଗଲା। ଏମାନେ ସାଧାରଣ ଜନତାଙ୍କୁ ପୋଲିସ ଲଗାଇ ଡରାଇବାକୁ ଚାହୁଁଛନ୍ତି କି?
ଆଜି ବିରୋଧୀ ଖୋଲାଖୋଲି ଅଭିଯୋଗ କରୁଛନ୍ତି ଯେ, ସରକାରଙ୍କ ପାଇଁ ‘ଏକ ଦେଶ-ଏକ ନିର୍ବାଚନ’ କେବଳ ଏକ ନାରା, ତାଙ୍କର ଅସଲ ଲକ୍ଷ୍ୟ ହେଉଛି ‘ଏକ ଦେଶ-ଏକ ପାର୍ଟି’। ଯିଏ ଆମକୁ ଭୋଟ୍ ଦେବନି, ସିଷ୍ଟମ୍ ଲଗାଇ ତାର ନାଁ ହିଁ କାଟିଦିଅ! କିନ୍ତୁ ଆଜି ଜନତାଙ୍କ ଶକ୍ତି ଆଗରେ ନିର୍ବାଚନ କମିଶନଙ୍କୁ ମୁଣ୍ଡ ନୁଆଁଇବାକୁ ପଡିଛି। ଆଉ ଯଦି ଏହି ଆନ୍ଦୋଳନ ଏମିତି ଜାରି ରହେ, ତେବେ ଖୁବଶୀଘ୍ର ମୁଖ୍ୟ ନିର୍ବାଚନ କମିଶନରଙ୍କୁ ମଧ୍ୟ ଶିକ୍ଷାମନ୍ତ୍ରୀଙ୍କ ଭଳି ନିଜ ପଦରୁ ଇସ୍ତଫା ଦେବାକୁ ପଡିବ।