କଳାହାଣ୍ଡିର ଆରାଧ୍ୟା ଦେବୀ ମା’ ମାଣିକେଶ୍ୱରୀଙ୍କ ପୀଠରେ ଭକ୍ତିମୟ ପରିବେଶ। ବଳି ପରମ୍ପରା ଓ ପୂଜାର୍ଚ୍ଚନାକୁ ନେଇ ଭବାନୀପାଟଣାରେ ଜମିଛି ଭକ୍ତଙ୍କ ପ୍ରବଳ ଭିଡ଼।
ସକାଳୁ ସକାଳୁ ମା’ଙ୍କ ଦର୍ଶନ ପାଇଁ ପୀଠରେ ଲାଗିଛି ଭକ୍ତଙ୍କ ଲମ୍ବା ଧାଡ଼ି। କିଏ ପୂଜାର୍ଚ୍ଚନା କରୁଛନ୍ତି, ତ ଆଉ କିଏ ଭୋଗ ଅର୍ପଣ କରି ମା’ଙ୍କ ଆଶୀର୍ବାଦ ଲୋଡ଼ୁଛନ୍ତି।
ମା’ ମାଣିକେଶ୍ୱରୀଙ୍କ ପ୍ରତି ଥିବା ଅତୁଟ ଆସ୍ଥା ଓ ବିଶ୍ୱାସ ଯୋଗୁଁ ଦୂରଦୂରାନ୍ତରୁ ଛୁଟି ଆସୁଛନ୍ତି ଶ୍ରଦ୍ଧାଳୁ। ପରିବାରର ସୁଖ, ଶାନ୍ତି ଓ ସମୃଦ୍ଧି ସହ ମନସ୍କାମନା ପୂରଣ ପାଇଁ ମା’ଙ୍କ ନିକଟରେ କରୁଛନ୍ତି ପ୍ରାର୍ଥନା।
ପିଢ଼ି ପରେ ପିଢ଼ି ଧରି ଚାଲିଆସୁଥିବା ଏହି ପରମ୍ପରା କଳାହାଣ୍ଡିର ଧାର୍ମିକ ଓ ସାଂସ୍କୃତିକ ପରିଚୟକୁ ଆହୁରି ସମୃଦ୍ଧ କରୁଛି। ମା’ଙ୍କ ପୀଠରେ ଆଜିର ଏହି ଭିଡ଼ ଭକ୍ତଙ୍କ ଅଗାଢ଼ ବିଶ୍ୱାସର ପ୍ରମାଣ ଦେଉଛି।