ବିପଦ ସମୟରେ ଭାରତକୁ ସାହା ହେଲା ଆମେରିକା
“ଭାରତ ଯେତେ ଚାହିଁବ, ଆମେ ସେତେ ତେଲ ଦେବୁ”
ଭାରତ ଗସ୍ତ ପୂର୍ବରୁ ଆମେରିକୀୟ ବୈଦେଶିକ ମନ୍ତ୍ରୀଙ୍କ ବଡ ବୟାନ
ଭାରତକୁ ତେଲ ଦେବ ଆମେରିକା !
ଇରାନ ଯୁଦ୍ଧ ପରେ ସାରା ବିଶ୍ୱରେ ଆତଙ୍କ ! ସମ୍ପୂର୍ଣ୍ଣ ବନ୍ଦ ହୋଇଯାଇଛି ଷ୍ଟ୍ରେଟ୍ ଅଫ୍ ହୋରମୁଜ୍ (Strait of Hormuz) । ଆଉ ଏହାର ସିଧାସଳଖ ପ୍ରଭାବ ପଡିଛି ଦୁନିଆର ସବୁଠାରୁ ବଡ଼ ତୈଳ ଆମଦାନୀକାରୀ ଦେଶ… ଅର୍ଥାତ ଆମ ଭାରତ ଉପରେ । ଗଲ୍ଫ ଦେଶରୁ ତେଲ ଆସିବା କଷ୍ଟକର ହୋଇପଡିଥିବା ବେଳେ, ଏହି ଘଡ଼ିସନ୍ଧି ମୁହୂର୍ତ୍ତରେ ସାମ୍ନାକୁ ଆସିଛି ଏକ ବଡ଼ ଟ୍ୱିଷ୍ଟ ! ଭାରତ ପାଇଁ ସଞ୍ଜିବନୀ ନେଇ ଆସିଛି ସୁପରପାୱାର ଆମେରିକା !
ଆମେରିକୀୟ ବୈଦେଶିକ ମନ୍ତ୍ରୀ ମାର୍କୋ ରୁବିଓ (Marco Rubio) ନିଜର ପ୍ରଥମ ଭାରତ ଗସ୍ତ ପୂର୍ବରୁ ଏକ ବିସ୍ଫୋରକ ବୟାନ ଦେଇଛନ୍ତି । ରୁବିଓ ସିଧାସଳଖ କହିଛନ୍ତି- “ଭାରତ ଯେତେ ଚାହିଁବ, ଆମେ ସେତେ ତେଲ ଦେବାକୁ ପ୍ରସ୍ତୁତ ।” ଏବେ ପ୍ରଶ୍ନ ଉଠୁଛି, କଣ ଆମେରିକା ଏବେ ଭାରତର ନୂଆ ତୈଳ ସାଥୀ ହେବ ? ଟ୍ରମ୍ପ ପ୍ରଶାସନର ଏହା କି ବଡ଼ ଚାଲ୍ ?
କାହାଣୀ ଏତିକିରେ ସରିନି… ଏଥିରେ ଲୁଚି ରହିଛି ଆଉ ଏକ ବଡ଼ ସସପେନ୍ସ ! ରୁବିଓଙ୍କ ନଜର କେବଳ ଆମେରିକା ତେଲ ଉପରେ ନୁହେଁ, ବରଂ ଭେନେଜୁଏଲାର (Venezuela) ତେଲ ଉପରେ ବି ରହିଛି । ଆଉ ସବୁଠୁ ବଡ଼ ଖବର ହେଉଛି, ଆସନ୍ତା ସପ୍ତାହରେ ଖୋଦ୍ ଭେନେଜୁଏଲାର ଅନ୍ତରୀଣ ରାଷ୍ଟ୍ରପତି ମଧ୍ୟ ଗୁପ୍ତ ଡିଲ୍ ପାଇଁ ଭାରତ ଆସୁଛନ୍ତି ।
ଆସନ୍ତା ମେ’ ୨୩ ରୁ ୨୬ ତାରିଖ ଯାଏଁ ରୁବିଓ ନୂଆଦିଲ୍ଲୀ ସମେତ ୪ଟି ସହର ଗସ୍ତ କରିବେ । ଏନର୍ଜି ସିକ୍ୟୁରିଟି ବା ଊର୍ଜା ସୁରକ୍ଷାକୁ ନେଇ ଭାରତ ଏବଂ ଆମେରିକା ମଧ୍ୟରେ ହେବ ସବୁଠୁ ବଡ଼ ଚୁକ୍ତି । ତେବେ ଇରାନର ବିକଳ୍ପ ସାଜି ଆମେରିକା କଣ ଗ୍ଲୋବାଲ ଅଏଲ୍ ମାର୍କେଟରେ ନୂଆ ଇତିହାସ ରଚିବ ? ଏହି ଗେମ୍ ଚେଞ୍ଜର ଡିଲ୍ ପଛର ପ୍ରକୃତ ରହସ୍ୟ କଣ ? ଜାଣିବା ପାଇଁ ଦେଖୁଥାନ୍ତୁ ଆମର ଏହି ସ୍ୱତନ୍ତ୍ର ରିପୋର୍ଟ..