୨୦ ନା ୨୧?
କେବେ ପଡୁଛି ବିଜୟା ଦଶମୀ ?
ବଢୁଛି ଦ୍ଵନ୍ଦ !
ମେଳ ଖାଉନି ପଞ୍ଜିକା ଗଣନା ସହ ଶ୍ରୀମନ୍ଦିର ନୀତି
ଦେଖାଦେଉଛି ବଡ ଫରକ !
ଦଶହରା ତାରିଖ ନେଇ ଜ୍ୟୋତିର୍ବିଦଙ୍କ ସ୍ପଷ୍ଟୀକରଣ
ଦଶହରା କେବେ? ଅକ୍ଟୋବର ୨୦ ନା ୨୧ ତାରିଖ? ମାଆ ଦୁର୍ଗାଙ୍କ ପୂଜାର ଏହି ବଡ଼ ପର୍ବକୁ ନେଇ ଏବେ ଦେଖାଦେଇଛି ଦ୍ୱନ୍ଦ୍ୱ। ଗୋଟିଏ ପଟେ ପଞ୍ଜିକାର ଗଣନା, ଅନ୍ୟପଟେ ଶ୍ରୀମନ୍ଦିରର ପରମ୍ପରା। ତେବେ ପ୍ରକୃତରେ କେଉଁ ଦିନ ପାଳନ ହେବ ଦଶହରା? ଏହି ଦ୍ୱନ୍ଦ୍ୱ ଉପରେ କ’ଣ କହିଛନ୍ତି ଜ୍ୟୋତିର୍ବିଦ? ଆସନ୍ତୁ ଜାଣିବା।
ଆଗକୁ ଆସୁଛି ମାଆ ଦୁର୍ଗାଙ୍କ ବିଜୟା ଦଶମୀ। କିନ୍ତୁ ଏଥର ଦଶହରାର ତାରିଖକୁ ନେଇ ଭିନ୍ନ ଭିନ୍ନ ମତ ସାମ୍ନାକୁ ଆସିଛି। କିଛି ପଞ୍ଜିକାରେ ଅକ୍ଟୋବର ୨୦ ତାରିଖକୁ ଦଶହରା ପାଳନ ପାଇଁ ଉଲ୍ଲେଖ କରାଯାଇଥିବା ବେଳେ, ଅନ୍ୟ କିଛି ପଞ୍ଜିକାରେ ଅକ୍ଟୋବର ୨୧ ତାରିଖରେ ବିଜୟା ଦଶମୀ ପାଳନ କରିବା କଥା କୁହାଯାଇଛି।
ଏହି ଭିନ୍ନତାକୁ ନେଇ ଶ୍ରଦ୍ଧାଳୁ ଓ ପୂଜା କମିଟିଙ୍କ ମନରେ ପ୍ରଶ୍ନ।
କେଉଁ ତାରିଖକୁ ଗୁରୁତ୍ୱ ଦେବେ ଓଡ଼ିଶାବାସୀ?
ଏହି ପ୍ରସଙ୍ଗରେ ଜ୍ୟୋତିର୍ବିଦ ନିଜର ମତ ରଖିଛନ୍ତି। ତାଙ୍କ କହିବା ଅନୁସାରେ, ମୁକ୍ତିମଣ୍ଡପ ପଣ୍ଡିତ ସଭା ଦ୍ୱାରା ଅନୁମୋଦିତ ପଞ୍ଜିକାର ଗଣନା ଏବଂ ଉତ୍କଳୀୟ ପରମ୍ପରା ଅନୁଯାୟୀ ପୀଠମାନଙ୍କରେ ଅକ୍ଟୋବର ୨୦ ତାରିଖରେ ଦଶହରା ପାଳନ କରିବା ଉଚିତ।
ସେହିଦିନ ଅଭିଜିତ ନକ୍ଷତ୍ରର ସଂଯୋଗ ଥିବାରୁ ଶାସ୍ତ୍ରୀୟ ଦୃଷ୍ଟିରୁ ଏହି ତାରିଖକୁ ଗୁରୁତ୍ୱ ଦିଆଯାଉଛି ବୋଲି ସେ ମତ ଦେଇଛନ୍ତି।
ଜ୍ୟୋତିର୍ବିଦଙ୍କ ମତରେ, ଅକ୍ଟୋବର ୨୧ ତାରିଖକୁ ନେଇ ରହିଥିବା ଗଣନାରେ ବଙ୍ଗୀୟ ପଦ୍ଧତିର ପ୍ରଭାବ ରହିଛି। ଅନ୍ୟପଟେ ଓଡ଼ିଶାରେ ଉତ୍କଳୀୟ ପରମ୍ପରା, ସ୍ଥାନୀୟ ପଞ୍ଜିକା ଏବଂ ପୀଠର ପୂଜାବିଧିକୁ ଗୁରୁତ୍ୱ ଦିଆଯାଏ।
ତେବେ ମନେ ରଖନ୍ତୁ, ବିଭିନ୍ନ ପଞ୍ଜିକା ଓ ମନ୍ଦିରର ନୀତି ଅନୁଯାୟୀ ତାରିଖରେ ପାର୍ଥକ୍ୟ ରହିପାରେ। ତେଣୁ ନିଜ ଅଞ୍ଚଳର ପୂଜା କମିଟି ଓ ସମ୍ପୃକ୍ତ ମନ୍ଦିରର ଅଧିକାରିକ ନିଷ୍ପତ୍ତି ଜାଣିବା ଜରୁରୀ।
ତେବେ ଦଶହରାକୁ ନେଇ ଏହି ଦ୍ୱନ୍ଦ୍ୱରେ ଆପଣ କେଉଁ ତାରିଖକୁ ମାନୁଛନ୍ତି—୨୦ ନା ୨୧ ଅକ୍ଟୋବର? ନିଜର ମତାମତ କମେଣ୍ଟରେ ଜଣାନ୍ତୁ।