ସୁପ୍ରିମକୋର୍ଟଙ୍କ ବଡ଼ ଘୋଷଣା
ଗୃହିଣୀମାନଙ୍କୁ ମିଳିବ ମାସିକ ଦରମା !
ଘରକାମର ମୂଲ୍ୟ କମ୍ ନୁହେଁ, ମାସକୁ ଅତିକମରେ ₹୩୦,୦୦୦
ଗୃହିଣୀଙ୍କ ମୃତ୍ୟୁରେ ମିଳିବ ମୋଟା ଅଙ୍କର କ୍ଷତିପୂରଣ
ଜଷ୍ଟିସ୍ ସଞ୍ଜୟ କରୋଲଙ୍କ ଖଣ୍ଡପୀଠର ବଡ଼ ନିଷ୍ପତ୍ତି
ଜଣେ ମହିଳାଙ୍କ ଦିନରାତିର ପରିଶ୍ରମ… ସକାଳୁ ରାତି ଯାଏଁ ଘରର ଚାରିକାନ୍ଥ ଭିତରେ ବିତିଯାଉଥିବା ଜୀବନ… ଏବଂ ପରିବାର ପାଇଁ ତାଙ୍କର ସେହି ଅକ୍ଳାନ୍ତ ସେବା! ଆପଣ କେବେ ଭାବିଛନ୍ତି କି, ଏହି ସେବାର ଆର୍ଥିକ ମୂଲ୍ୟ କେତେ ହୋଇପାରେ? ଯଦି ଆପଣ ଭାବୁଛନ୍ତି ଏହା ମୂଲ୍ୟହୀନ କିମ୍ବା ଏହାର କୌଣସି ହିସାବ ନାହିଁ, ତେବେ ସୁପ୍ରିମକୋର୍ଟଙ୍କ ଏହି ସେନ୍ସେସନାଲ୍ ରାୟ ଆପଣଙ୍କୁ ଚମକାଇ ଦେବ! ଗୃହିଣୀମାନଙ୍କୁ ନେଇ ଦେଶର ସର୍ବୋଚ୍ଚ ଅଦାଲତ ଶୁଣାଇଛନ୍ତି ଏଭଳି ଏକ ଐତିହାସିକ ସଂକଳ୍ପ, ଯାହା ପୂରା ଦେଶରେ ହଲଚଲ ସୃଷ୍ଟି କରିଛି।ଏଣିକି ଘର ସମ୍ଭାଳୁଥିବା ମହିଳାମାନେ ଆଉ କେବଳ ‘ଗୃହିଣୀ’ ନୁହନ୍ତି, ବରଂ ସେମାନେ ହେଉଛନ୍ତି ଏହି ‘ରାଷ୍ଟ୍ରର ନିର୍ମାତା’। ସୁପ୍ରିମକୋର୍ଟ ସ୍ପଷ୍ଟ ଶବ୍ଦରେ କହିଛନ୍ତି ଯେ, ଗୃହିଣୀମାନଙ୍କ କାର୍ଯ୍ୟକୁ କେବେ ବି କମ୍ ମୂଲ୍ୟାଙ୍କନ କରାଯାଇପାରିବ ନାହିଁ। କେବଳ ସେତିକି ନୁହେଁ, ଅଦାଲତ ଏଭଳି ଏକ ଅଙ୍କ କଷିଛନ୍ତି, ଯାହା ବୀମା କମ୍ପାନୀ ଏବଂ ବିରୋଧୀ ପକ୍ଷର ହୋସ୍ ଉଡ଼ାଇ ଦେଇଛି। କୋର୍ଟଙ୍କ ନିର୍ଦ୍ଦେଶ ଅନୁସାରେ, ଜଣେ ଗୃହିଣୀଙ୍କ ଦ୍ୱାରା ପ୍ରଦାନ କରାଯାଉଥିବା ଘରୋଇ ସେବା ପାଇଁ ମାସିକ ଅତିକମରେ ୩୦ ହଜାର ଟଙ୍କାର ଏକ ‘ଆନୁମାନିକ’ ରାଶି ଧାର୍ଯ୍ୟ କରାଯିବ। ଅର୍ଥାତ୍ ବାର୍ଷିକ ପ୍ରାୟ ୩ ଲକ୍ଷ ୬୦ ହଜାର ଟଙ୍କା!କିନ୍ତୁ ହଠାତ୍ ସୁପ୍ରିମକୋର୍ଟଙ୍କୁ ଏଭଳି ବଡ଼ ନିଷ୍ପତ୍ତି କାହିଁକି ନେବାକୁ ପଡ଼ିଲା? ଏହା ପଛର ରହସ୍ୟ କଣ? ସେହି ସସପେନ୍ସ ଉପରୁ ପରଦା ହଟାଇବାକୁ ଗଲେ ଆମକୁ ଯିବାକୁ ହେବ ୨୦୦୬ ମସିହାକୁ। ଉତ୍ତରାଖଣ୍ଡରେ ଘଟିଥିବା ଏକ ଭୟଙ୍କର ସଡ଼କ ଦୁର୍ଘଟଣା, ଯେଉଁଠି ଜଣେ ମହିଳା ଅକାଳରେ ପ୍ରାଣ ହରାଇଥିଲେ। ସେବେଠାରୁ ଚାଲିଥିବା କ୍ଷତିପୂରଣ ମାମଲାର ଶୁଣାଣି କରି ସୁପ୍ରିମକୋର୍ଟର ବିଚାରପତି ଜଷ୍ଟିସ ସଞ୍ଜୟ କରୋଲ ଏବଂ ଜଷ୍ଟିସ ଏନ୍ କୋଟିଶ୍ଵର ସିଂଙ୍କ ଖଣ୍ଡପୀଠ ଏହି ଯୁଗାନ୍ତକାରୀ ରାୟ ଦେଇଛନ୍ତି।ଖଣ୍ଡପୀଠ କହିଛନ୍ତି, ଜଣେ ଗୃହିଣୀ ପରିବାର ପାଇଁ ଯେଉଁ ସମୟ ଏବଂ ପ୍ରୟାସ ଦିଅନ୍ତି, ତାର ଆର୍ଥିକ ଆକଳନ କରିବା ସହଜ ନୁହେଁ। କିନ୍ତୁ ଯଦି କୌଣସି ଦୁର୍ଘଟଣାରେ ଜଣେ ଗୃହିଣୀଙ୍କ ମୃତ୍ୟୁ ହୁଏ, ତେବେ ତାଙ୍କ ପରିବାରର ଯତ୍ନ ନେବା ଏବଂ ଘରୋଇ କାମର ଭରଣପୋଷଣ ଲାଗି ବୀମା କମ୍ପାନୀକୁ ଏହି ଧାର୍ଯ୍ୟ ମାସିକ ୩୦ ହଜାର ଟଙ୍କା ହିସାବରେ ମୋଟା ଅଙ୍କର କ୍ଷତିପୂରଣ ଦେବାକୁ ହିଁ ହେବ। ମହିଳାମାନଙ୍କ ସମ୍ମାନ ଏବଂ ସେମାନଙ୍କ ଅଧିକାରକୁ ନେଇ ସୁପ୍ରିମକୋର୍ଟଙ୍କ ଏହି ବଡ଼ ନିଷ୍ପତ୍ତି ଆଗାମୀ ଦିନରେ ଦେଶର କାନୁନ ବ୍ୟବସ୍ଥାରେ ଏକ ନୂଆ ଅଧ୍ୟାୟ ଯୋଡ଼ିଛି। ଏହି ଐତିହାସିକ ରାୟ ଉପରେ ଆପଣଙ୍କ ମତ କଣ, ଆମକୁ କମେଣ୍ଟ କରି ନିଶ୍ଚୟ ଜଣାନ୍ତୁ।